फलकनुमा पैलेस भारत में तेलन्गाना की हैदराबाद में स्थित बहुते बढ़िया जगहन में से एक ह। इ पैगाह परिवार से संबंधित बा जेपर बाद में निजाम द्वारा राज कईल गईल। इ फलकनुमा में 32 एकड़ क्षेत्र में बनल बा तथा चारमिनार से 5 किमी की दूरी पर बा। एकर निर्माण नवाब विकार- उल-उमर द्वारा कईल गईल रहे जवन कि हैदराबाद क प्रधानमन्त्री रह न। फलकनुमा क उर्दू में तात्पर्य होला - “असमान की जैसन” चाहें “असमान क आइना”
ए महल क डिज़ाइन एगो अंग्रेजी शिल्पकार बनवले रह न। एकर रचना क आधारशिला 3 मार्च 1884 के सर विकार की द्वारा रखल गईल रहे। इ हैदराबाद की तीसरा निजाम सिकंदर जाह बहादुर क नाती रह न। ए निर्माण के पूरा होखले में कुल 9 वर्ष का समय लागल। एकर निर्माण पूरा तरह से इटेलियन पत्थर से भईल बा तथा इ 93971 वर्ग मीटर क्षेत्र के घेरले बा।
हैदराबाद क प्रधानमंत्री, विकार-उल-उमर ए जगह के अपनी निजी निवास की तौर पर तबले प्रयोग कइ न जब ले की एकर मालिकी उनकी पास रह ल, बाद में इ पैलेस 1897-98 की लगभग हैदराबाद की छठा निजाम के दे दिहल गईल। फलकनुमा पैलेस के निर्माण में एतना अधिक लागत आइल कि खूब अमीर सर विकार के भी ए महल क काम पूरा करावे खातिर बैंक ऑफ़ बंगाल से लोन लेवे के पड़ गईल। बाद में लेडी उल उमर क छोट भाई महबूब अली पाशा निजाम vi 1897 में एईजा रहे अई न जिनके इ पैलेस काफी पसंद आईल, जेकरी चलते सर विकार इ पैलेस निजाम के उपहार में दे दिहन जेकरी बदले में पैगाह परिवार की अनुसार ओ समय में सर विकार के 20 लाख रूपया मिलल, हालाँकि कहल जाला की महल की बदले मिलल पैसा कहीं ज्यादा रहे। बाद में निजाम ए महल के शाही अतिथि गृह की तौर पर प्रयोग कईल शुरू क दिह न काहें की एईजा से पूरा शहर क नज़ारा देखे के मिलेला।
टेलीफ़ोन तथा विद्युत् सिस्टम क सेवा ए पैलेस में सन 1883 में ओस्लेर की द्वारा शुरू कईल गईल रहे। आंकड़न की अनुसार ए पैलेस में उपलब्ध स्विच बोर्ड्स भारत क उपलब्ध सबसे बड़ स्विच बोर्ड्स में से एक ह। सन 2000 तक इ पैलेस निजाम परिवार क निजी संपत्ति रहे तथा सामान्य जनता खातिर आम रूप से खुलल नाहीं रहे। ए पैलेस में बिलियर्ड्स रूम भी बा, जेमें स्थित टेबल इंग्लैण्ड क बोरो आ वाट्स मिलके डिजाईन कईले रहे लो, ऐसन दुगो टेबल बनावल गईल रहे जेमें से एगो बन्किन्घम पैलेस में बा तथा दूसरा एईजा रखल बा।
सन 2000 में ताज होटल ए पैलेस क नवीनीकरण क कार्य शुरू कईलस। नया बदलावन की साथ ए होटल के नवम्बर 2010 में मेहमानन खातिर खोल दिहल गईल। एकर कमरा और दीवारन के फ्रांस से मंगावल गईल ओर्नेट फ़र्नीचर, हाथ से काम कईल गईल सामान से तथा ब्रोकेड से सुसज्जित कईल गइल बा। ए पैलेस में 101 सीट्स वाला भोजन गृह बा जेके संसार का सबसे बड़ डाइनिंग हॉल मानल जाला। साथे साथ दरबार हॉल भी बा जेके विश्वस्तरीय शिल्प का अनुप्रयोग करके सुसज्जित कईल गईल बा|
श्रेणी : होटल